Firelookingfor
火燎森
Firelookingfor

日本物業篇(十)新樓VS二手樓

同投資股票一樣 ,你可以買新股易賺錢,但係賺大錢嘅人,通常係買舊股。

因為二手樓先至有參考呎價,亦都睇到實在位置,大廈外觀,仲有租金參考,呢啲都係減低犯錯嘅機會,從而提高賺錢嘅把握。

同埋新樓放售畀你,人哋實力比你強,即係件貨由強者傳去弱者手,呢啲都會減低你賺錢嘅機會,當然唔係話新樓一定賺唔到錢,因為只要個大市係咁升,你買貴咗嘅嘢,之後都會追返。只係冇人哋賺得咁多,你睇下好多長實11年嘅樓,而家放出嚟竟然有蝕讓嘅例子,咁你就知發展相同散戶嘅實力差距喇。

另一個問題係發展商經常會mark高個價賣畀你,即係比二手樓嘅呎價再高啲,因為喺日本一直會撈埋裝修畀你,而喺日本,真正出自日本人手上嘅裝修,嗰個費用比香港貴得多,再加上新樓通常畀經紀嘅佣遠超你想像,你好可能用一蚊去買7亳子嘅嘢。即係輸在起跑線,一開波就輸咗三成,所以冇必要玩到咁複雜,簡簡單單買二手樓。樣樣嘢有得參考,就已經ok啦。

此欄文章的觀點均來自作者,不代表本網立場。