胡慧沖醒港人買泰樓貼士

泰國通胡慧沖坦言,即使長住泰國,惟無物業。(來源:星島)
「泰國通」胡慧沖(Roger)近年主持的旅遊節目《沖遊泰國》大受歡迎,新的一輯將於明年2月於J2台播出,今次將介紹曼谷及芭堤雅特式酒店、餐廳、Spa等地方,拍檔33D冬蔭妹一樣會喺「心事有誰知」中教泰文,仲會有游水及做Spa環節。TVB早前發出「限奶令」,新指引下女藝人著泳衣出鏡最好加tee。對此,Roger有啲無奈:「泰國多水上玩意,游水及做spa梗係要着泳衣,我拍就拍咗㗎嘞,如果TVB覺得有需要咪刪剪囉,我冇意見。」
胡慧沖成為泰國旅遊達人後賺到笑,最近被泰國一個樓盤「包起」回港幾天協助做宣傳,穩袋6位數字厚酬。活動其間Roger大受歡迎不斷被市民拉住selfie,又追問新節目何時出街?他滿足笑說:「新一輯拍咗曼谷部份,都係以吃喝玩樂為主,本想改編歌曲唱好泰國,但因版權問題做唔到。家傾緊一個香港嘅泰國餐廳啤酒代言,自問唔係大明星,又唔係靚仔,竟然得到認同超開心。」
自認居泰窮港人
最近唔少港人買泰國樓盤投資,Roger投資之道反而係不斷接iob儲蓄現金,更坦言即使長住泰國都冇物業:「我係花心蘿蔔,鍾意拍散拖,好享受呢個過程,幾年後住厭就想搬,唔會為咗一棵樹放棄一個森林,所以訪問居泰港人冇我份,因為我冇大單位花園洋房,我只係居泰窮人!」對於泰國房地產成為港人近年海外置業熱門選擇,Roger亦給予小貼士:「其實喺泰國買樓自住冇問題,如果以投資角度出發就要睇運氣,因為當地房地產冇香港咁易轉手,樓市較平穩,當然買近學校、醫院、市中心及地鐵沿線升得較快。」
綜合報道
資料來源:星島日報
相關文章:
- 上半年外國買家搶購泰國公寓 總成交金額逾72億港元
- 曼谷超大型森林豪宅社區 入場價僅港幣約165萬起
- 布吉低密度度假住宅 入場費僅49萬港幣
- 87萬港元入場曼谷新CBD屋苑 毗鄰BTS站及大型商場超方便
- 曼谷市區河畔鐵路現樓屋苑 55萬港元入場性價比之選
- 通關後避險需求急升 中國客湧泰國買樓
- 泰國6月起徵收旅客入境費 經機場入境每次收取300銖
- 泰國入境旅客量大反彈 政府計劃擴建4座機場
- 泰國放寬外國人買地限制 政府冀4年內吸萬億泰銖
- 泰國宣佈解除所有入境檢疫限制 旅客不需出示接種疫苗證明