朱晨麗恨在港做「收租皇后」 透露暫無海外物業

朱晨麗透露海外暫未有物業。(來源:星島)

  上周六朱晨麗為一台灣住宅項目記者會擔任嘉賓。朱晨麗透露海外暫未有物業,但經過今次活動認識了不少有關海外投資的商機。談到可喜歡台灣?她說:「我都好喜歡,當年選港姐都係去台灣拍外景。台灣同香港又近,個幾鐘就去咗另一個世界。」

  問她香港有否物業?朱朱笑說:「有,仲供緊!」問到可希望做「收租婆」?她笑說:「咁就要靠你哋喇!我諗好多人都希望有幾個物業,唔需要點打埋又有收入,我都希望有機會做『收租靚女』或者『收租皇后』。」

  另外,朱朱於重頭劇《多功能老婆》跟楊千嬅飾演閨蜜。談到進度,朱朱透露仍未收到劇本,但知道劇本已準備好,應該5月份才收到劇本及進行圍讀等等。她說:「我好鍾意千嬅同佢嘅歌,我記得第一次登台唱《可惜我是水瓶座》,真係好難唱,我見到千嬅一定會問佢點解唱得咁揮灑自如。」

綜合報道

資料來源:星島日報
相關文章: