去曼谷睇豪宅兼旅遊 利嘉兒狂掃泰式靚家品

今次她看了三個單位,全部都好靚,但諗住睇多幾次先買。

  利嘉兒(Lily)早前與老公Bong約朋友到泰國曼谷睇樓,順道留在當地旅遊。她稱十年冇去泰國泰國變咗好多,除了購物商場又大又靚,她可以瘋狂買衫買家品。首次去唐人街,見到滿街榴槤好興奮,她買了好多榴槤乾做手信,最恐怖在手信店見到好多即食炸蟲蟲乾出售。之後當然是飲飲食食,除了吃地道的泰國菜,她還幫襯了香薰餐廳食龍蝦,又去Lady L飲下午茶,環境好價錢又合理,她稱一定會再去。

  利嘉兒好耐冇去曼谷,但呢一兩年有好多朋友在當地投資物業,而她與老公都有興趣,便組團去睇樓,她說:「今次睇咗三間位於市中心高尚住宅區嘅Apartment,有啲幾百萬港幣,有啲就千幾萬港幣一層,但因為唔熟泰國,今次冇買,想睇多幾次先,不過同行有朋友買咗。」睇完樓,Lily就去行街,無諗過泰國的商場設計好靚,「好鍾意佢哋種咗好多植物綠化環境,而且有好多特色餐廳同Coffee Shop,就連Food Court都好大型。」今次她主要買衫、擺設和廚房用品,她大讚:「泰國賣家品嘅店舖比香港多,選擇亦多好多。」

利嘉兒勁愛食榴槤,之後掃了很多榴槤乾返港。

  由於Lily都鍾意食辣嘢,所以泰國菜啱晒佢,咖哩蟹、冬蔭功和炒貴刁她都鍾意,最開心是搵到間特色的香薰餐廳Karmakamet,「內裏設計到好似工廠咁,擺咗好多香薰,而周圍都有香味,仲有花園,食物又好味,最鍾意大龍蝦意粉,龍蝦肉彈牙又鮮味,每人都係三四百蚊港幣。」之後她去了Lady L食Tea,她續說:「啲鬆餅、蛋糕同Pancake都整得好靚,又好味,都係百幾蚊港幣一位。」最後一站就是去唐人街,見到好多新鮮榴槤好香,但因為之前食咗個豐富的中菜晚餐太飽,冇買嚟食,但就買咗好多榴槤乾返港畀自己和孝敬老爺奶奶。

綜合報道

資料來源:頭條日報

相關文章: